خلصانة الحكاية ومنتهيه
ليه تجيب اللوم عليا
راجع نفسك شويه
خلصانة الحكاية من طبعها
صعب تانى أعيد وقتها
لا العمر يسمح ولا الفكر
عايش عطرها
خلصانة الحكاية ومن زمان
اصبحت ماضى
حتى المكان اصبح بوار فاضى
ومطر الهوى اصبح لها معادى
وريح الغرام بتهب عكسها
خلصانة الحكاية وإنتهينا
كفاياك كلام عن ماضينا
شوف لعبة تانى تكون قدها
عيش الواقع وحاول عليه
تتعود
وكفاية وهم ليه الخداع
على قلبك بقى تزوود
كفاية مرة قلبى ذاق طعمها
خليك مكانك وابتدي ترجع
لعقلك
مهياش اصول تغير
من لونك وشكلك
معدش تانى لعبتك
هتخيل عليا
معدش تانى نظرتك
تخدع عنيا
معدش تانى كلمتك
تهز فيا
لا قلبى ولا عقلى
ولا عاد تانى تروقلي
وتصعب عليا
إتعاملت معاك بالكرم
والطيبة والأخلاق
واخدتك فوق للسما
والضى والأضواء
وبعد كل دا سببت الوجع
ليا
خلصانة الحكاية ومنتهيه
من إبداعات
الشاعر
طه الروبى
ليست هناك تعليقات:
إرسال تعليق