اكتب ايه .........؟
اكتب ايه .. يا عام جديد ؟!
نفسي اعرف اكتب ايه ..؟
عايزني اقولك عام سعيد
وﻻ اقولك جي ليه ...؟!
و اسأل العام اللي فات
جه ف ايه وراح ف ايه ؟
واسأله ع الذكريات ...
بقت قاسيه علينا ليه ....؟!
اسأله ع اللي سابونا .....
و اسأله اللي باعونا .....
اللي ودونا البحر نشرب
و جابونا .................
كل واحد مننا مضحوك عليه
اسأله ع اللي كانوا بينا يوم
و عملوا فيها ميتين ........
قولنا يمكن ادوها نوم
و طولولهم حبتين .........
قولهم طب يرجعولنا ساعه
لاننا والله مشتاقين
قولهم يا يرجعولنا
يا نروحلهم ماشيين
و شوفه هيقولك ايه ..؟
سيد صادق
ليست هناك تعليقات:
إرسال تعليق