مْشَرَّطْ لَحْناكْ..... حميد النكادي

مْشَرَّطْ لَحْناكْ.. 

وَشْمَاتْ ريح الغدر 

قلوب ناوْيا المنكر

ريحة القال

 والقيل عْطات 

ؤُ مْشَرَّط لَحْناك

تْطْلَق لسانو يهضر 

الطعام لي دفعناه 

فالركبة يحصل  

هازِّين لحمل

ؤُ علامنا صبر 

قيلونا فوتونا

ما فينا ما يخسر   

قلوبنا بيضة 

خَالْيا من الشر 

علاش الغدر 

والشمتة والطعن 

مور الظهر ..

خليك يا بنادم نقي 

ما تلعب فالما لَمْعَكَّر 

صَفِّي ؤُ شْرَب 

صَلَّحْ الحال 

ؤ طريق لعمر 

راه لابد من لقبر 

حميد النكادي 24\2\2020