وانت غايب
،،،،،،،،،،،،،،،،،،،
د/عبدالمنعم الفقي
،،،،،،،،،،،،،،،،،،،،،،،،،
وانت غايب
بالقي روحي هايمه بتدور عليك
بالقي احساسي وعمري كله بيناديك
قلبي متلهف ودايب وانت غايب
،،،،،،،،،،،
الثواني تفوت سنين
والدقايق عمر تاني
قلبي يسال هوه فين
خد معاه ضحكي وحناني
،،،،،،،،،،،،،،
وادور في الشوارع
واسال الناس عليك
وابقي في الوحده ضايع
نفسي نظره من عينيك
،،،،،،،،،،،،
قولي من بتشوفه عندك
مين جيرانك مين صحابك
واوعي تشكي م البعاد
ماللي صابني برضه صابك
واوعي تكدب للقمر يفتن عليك
هوه شايفك بيناديني ويناديك
قلبي متلهف ودايب وانت غايب
__________________________
د/عبدالمنعم الفقي
ليست هناك تعليقات:
إرسال تعليق