انا عُمرى مانسيتك
****************
مش بمدحك يابنى
ولا جى ابكى عليك
اصل الحنين جابنى
والقلب مشتاق ليك
وعيونى ما بتبكيش
ده حنينى اللى بيعيط
والفرحة ما بتجيش
على بيتنا وتحود
كنت الوصال بينا
صبح الفراغ جامد
مع إن إيمانا
الآخرة للواحد
لكن الفراق يصعب
ومقطع الواحد
ماهو مش هوين قوي
ماهو مش كمان واحد
اصله ده غالى قوي
ول ربه كان عابد
كل الدموع م السما
وعسلها طعمه مُر
ساعة فراق الضنا
ماعدش حاجه تسُر
ده القلب فيا اتعصر
من شوقه ليك ب الذات
مع انه فرض وقدر
لكنه غالى ومات
****************
سامى ابو الغيط
ليست هناك تعليقات:
إرسال تعليق