ولما تتجمع هالنسوان
بيبلش طقّ الحنك
واحدة بتغني بصوت حنون
والتانية بتدق عالتنك
مسكين هيدا العلك
اللي بالتم إنعلك
وهونيك قطة عالحيط
تاكل السمك مع الحسك
وبنت عم تبكي من بعيد
ياحرام عليها انضحك
ملعون إبن الجيران
لعب بعقلاتا وشبك
وسعدان عم يرقص حزين
من كتر الرقص إنهلك
وختيار بيغازل بنات
من التعب قام برك
وفِي شب حابب بنت
كلما شافها ضحك
قام خطبها من أبوها
والبنت حططته عالمحك
وختيارة تبكي من الجوع
حرااام من الضنك
وعصفورة تنطر حبيبها
عنده سفرة (بالنبك) مين من النبك؟!...
وإجا الليل عبكير
وسهران الهدوء هتك
في مين عم يختلف
إن كان السمن هو الودك
وعالشجر كان في وراق
بتوقع إذا الهوا حرك
وهلق سكّرنا الدكان
كل واحد بشغله انهمك
مش قادرة عدِّد لكن
مين اللي قلبي ملك
لينا سميرات
ليست هناك تعليقات:
إرسال تعليق