مريت بداركم البارحه
وبچيت
الدمعة حرگت خدي للصميم
آني لشوفتك شگد اشتهيت
أنفاسي تكطّعت وربك عليم
اشمستفاد ياگلب لو انّك حچيت
البوح مسموح منك چنه كليم
أشوفك گبالي مثل الحلم وتمنيّت
يا حرگت هالگلب بين المظاليم
شحچيلك من بعد غيباتك ابتليت
كطعت بيّه دربي المستقيم
الهم گاتلني أغلي مثل هذا الزيت
انكسر ظلعي ليجبره أشطر حكيم
يا حسرتي إنته عني حيل تخليت
عود صدگ ذيل الچلب ميستقيم
وين ألگاها إن چنت أصلن مالگيت
أخسر أنفاسي وانته للموت الخصيم
ها عيني شلوني بالعراقي؟!...
لينا سميرات
ليست هناك تعليقات:
إرسال تعليق