❤الحلم البسيط ❤عماد الدين العيطة

 ▪︎الحلم البسيط 

كلمات : عمادالدين العيطة 

كان حلم بسيط ..

حلموه أهالينا

كان نفسهم يفرحوا بينا

وبحلاوة روح كتبوا ..

على وش القمر أسامينا

وراحوا وسابونا  .. 

راحوا تحت التراب

وسابونا وسط عذاب ..

وأغراب يجرحوا فينا

والدنيا ساعة بتاخدنا

وساعة ترمينا 

كان حلمهم بسيط ..

نعيش الدنيا بسلام 

وعلى جناح الحمام نرسم الجنة

وأتارى الدنيا دى ألام ..

و بتقتل الضحك لو جالنا

وهو دا حالنا .. 

ماشيين طريق الشوك

وحلمنا متروك لقدرنا

من كتر ألامى ..

ناديت على صاحبى

لقيته قاعد بيبكى ..

وبيشكى و قاللى .. 

الزمان طاح بى

بكيت على صاحبى

زى ما بكيت على نفسى 

ومن يأسى قلت دا قدرنا

 نمشى جنب الحيط 

وياريت ماكنا حلمنا ياريت

ولامشينا ورا حلم بسيط ..

حلموه أهالينا