...............راك تندم
مالك طالع لجبل
وفراسك داير حالة
مالك على هاذ جهالة
وحدك داخل لسوق دلالة
أمرك يحير
كل نهار رأيك يتغير
وكل مرة وجهك فشكل
مخطوف ومبدل
نهار فيه بايع هدومك
ونهار واكل سمومك
وحال يديك لحال
راه مايقتل القلب
غير الهم والغم
واش للي نقولوه لبارح
نعاودوه اليوم
شد فالكلمة الصحيحة
لاتشد فالمعطوبة
وخلي معدنك صافي
لاتخلي الناس فيك مخدوعة
راك بحال سي مسلسل
ما عندو بداية ولا نهاية
أنت الكاتب والمخرج والبطل
دراما والقلب حزين
والدمعة من العين تسيل
Oukili mustapha الوكيلي مصطفى
08/04/2021
ليست هناك تعليقات:
إرسال تعليق