( آه من الست السليطة ) :
آه من الست السليطة
ليل نهار عاملالها زيطة
صوتها يصرخ في الودان
لو ما بينكم الف حيطه
إن قلتلها صباح الخير
تلعن الصبح اللي جابك
وان نويت وياها خير
آه يا ويلك من عذابك
اللسان معمل سموم
عمرها ما بتهدى يوم
آه ي
ا ويله اللي يراجعها
أو يعاتب أو يلوم
السليطة لسانها سايب
كل حرف وكلمة عايب
اللسان متبرى منها
م الجيران مالهاش حبايب
آه من ام لسان طويل
النهار وياها ليل
آه يا ويلها من مصيرها
ليل نهار في ذنوب تشيل
آه يا ويلها من مصيرها
ليل نهار في ذنوب تشيل
بقلمي الشاعر جمال زكي عينر
ليست هناك تعليقات:
إرسال تعليق