اديها ظروف
عايشين حياتنا
في شوية خوف
اديها ظروف
خداع وكذب
وعلى المكشوف
ناس عايشة
في المظاهر
ومش شايفة
اللي مش ظاهر
ماشين فيها
من غير كسوف
آه في الدنيا دي
ياما نشوف
ناس قلوبها
من جوة بيضا
وناس قلوبها
فيها سواد
الحب معاها
سلعة رخيصة
وللكره بيعملوا
مزادات
رحت فين
يازمن الطيبة
ولا خلاص
بقيت بحالات
كان زمان في
عشرة وجيرة
دلوقتي
زمن فتوات
اللي نفسه
في حاجة ياخدها
مش مهم يدوس
على مين
المهم معاه القوة
طب بعديها
محتاج لمين
كان فاكر نفسه
باقي
بس ربك فوقه
كبير
مستعد يكسره
في لحظة
لكن هو غفور
رحيم
يمهله ولا يهمله
ولو زاد في
اللي بيعمله
هيجي يوم
يدوس عليه
(ظروف)
بقلم :فهد محمد صالح
ليست هناك تعليقات:
إرسال تعليق