( لساك يامه)
بقلمي الشاعر/محمد غبن
شاعر آل غبن وسفيرا للسلام الدولي
28/10/2021
لساك يامه واجعه راسك
وبتسألي علي أبويا
يعني هوا كان سأل عليك
ولا علي أخويا
سافر بقاله مده ما سألش
هوا إحنا مش اهله وناسه
ولا عشان راح هناك ينسي
لحمه ويشيلنا من فكر راسه
ولو إني مش عايز اظلمه
دا مهما كان أبويا حتي لو
شلت على راسي مداسه
عاش وربانا رجاله نكون
جنبك وقت إما تحتاجينا
ماشاء الله عليك بميت
راجل نفديك بالغالي
ياحياتنا وضي عينينا
يامه خلاص متزعليش
الغايب حجته معاه ربنا
يقرب المسافات والبعيد
ويجي وسطنا نفرح فرحه
كبيره وكإنها يوم عيد
نتحمل كمان شويه واما يرجع
نفرح كلنا وتعلي في حينا الزغاريد
ليست هناك تعليقات:
إرسال تعليق