( نسلكم غير نسلنا ) :
ياللا عري ياللا بين
خلي كل الكون يعين
خلي كل الناس تشاهد
اللي مخفي واللي بين
ياللا عرى كمان كمان
مهرجان جونه الجنان
لحم كوم ومزاد رخيص
بيع في أكبر مهرجان
إقلعوا وارموا الهدوم
فرفشوا وانسوا الهموم
عيشوا وانبسطوا النهارده
بس بكره جي يوم
جي يوم إسود وكاحل
والحساب حيكون مراحل
ما انتوا ناسيين الحساب
وإن كل الكون ده راحل
لا كسوف ولا خشا
قالوا مات اللي اختشا
خلي كل الناس تعيش
هجص رقص وفرفشه
الأدب ده كان زمان
فعل ماضي يعني كان
هو ده جيلنا النهارده
إنتوا إنس وإحنا جان
أيوه ما العيب مش عليكوا
هو نادى وإنتوا جيتوا
إنتوا لبيتوا الندا
كان دقيقكوا وكنتوا زيته
والدقيق في الزيت عجين
نسلكم أغرب هجين
نسلكم غير نسلنا
نسل من شيطان رجيم
نسلكم غير نسلنا
نسل من شيطان رجيم
بقلمي الشاعر جمال زكي عينر
ليست هناك تعليقات:
إرسال تعليق