( إختارك إبني)
بقلمي الشاعر/محمد غبن
شاعر عاميه بلغة محكيه
27/2/2022
لم إختارك إبني عن دون البنات كلها
قولتله هي فعلا بنت حلال طيبه ومفيش زيها
و دا لأني سألت نفسي هي بجد للدرجه دية
قالت هي غيرهم حاجه تانيه
مش زي باقي البنات
عاقله وكمان صفاتها تحس إنها م الحوريات
يعني خلاص يا إبني حبتها من جواك
واثق إنها مطيعه وبالطبيعي هتنول رضاك
ياسيدي ربنا يحققلك مناك
بجد عايزها تكون زي بنتي
ربنا مرزقنيش بأخت ليكم وإنتم ولادي وهي دي رسالتي
ربنا يوفقكم واشوفكم متجوزين وعايشين مع بعض دلوقتي
ويمن عليكم بوليد صغير ولد او بنت تكون ليا حفيدتي
يتنقله حناني بالتدريج ومعاه محبتي ورعايتي
بس اوعي في يوم تزعلها منك قولتلك زي ماانت إبني هي بنتي
ربنا يسعدكم يارب واعيش واشوف بجد عيالكم
وأدعي ليكم ربنا يبارك فيكم و يحفظكم
وإن مت وروحت عند ربنا ابقي سلمولي علي إبنكم أو بنتكم
المهم اجدعنوا وربنا يبارك فيكم ويرضيكم برضاه
ملناش غيره ندعيه هو اللي خالقنا وعالي في سماه
واوعي تنسوا الصلاه هي ليكم النجاه
من قسوة الدنيا والبشر و سلوك الحياه
يلا مع السلامه حافظوا علي بعض تعيشوا دايما في حماه
ليست هناك تعليقات:
إرسال تعليق