( إرفع راسك ) :
إرفع راسك بص لفوق
عينك مش مكسوره لحد
ايوه اتواضع خليك ذوق
لكن إوعى تبص لتحت
إوعى تبيِّت مرَّه جريح
إوعى تطاطي لأي عدو
خليك ثابت ضد الريح
مهما يشد عليك الجو
إوعى تفرط يوم في كرامتك
مهما تضيق بيك الأحوال
إرفع راسك وارفع رايتك
مهما يقل معاك المال
عمر المال ما بيصنع راجل
ولا عمره يكون لك معيار
واجه ازماتك ومشاكلك
واصمُد لو يرموك في النار
إرفع راسك واحفظ ناسك
إوعى تهوِّن يوم في العرض
وإن حد ف يوم هان إحساسك
هِد الدنيا وشق الأرض
بقلم الشاعر جمال زكي عينر
ليست هناك تعليقات:
إرسال تعليق