( الحب يعلي لفوق ) :
لو يوم تنساني ف مرة
انساك انا طول العمر
اوعى تفكر بالمرة
راح اموت في عيونك السمر
طب جرب كده وإنساني
واهجر أرضي وبنياني
انا عايزك تسلى وتنسى
على روحك تبقى الجاني
من غيرك برضه حعيش
ولا تفرق تيجي ما تجيش
يوم ما تفكر تهجرني
برضه انت ما تلزمنيش
دي كرامتي انا فوق الحد
وتعز عليا بجد
لو حد يقرب منها
انا اهد العالم هد
الحب ده فن وذوق
مش بس محبة وشوق
الحب كرامة وعزة
الحب يعلي لفوق
الحب كرامة وعزة
الحب يعلي لفوق
بقلم الشاعر جمال زكي عينر
ليست هناك تعليقات:
إرسال تعليق