(( صاحبك من بختك ))
=================
اللي غادر برا حياتك
إياك يوم تفتحله الباب
طبعه الغادر هيكون غالبه
اصل الطبع ياواد غلاب
الغدار دا مالوهش أمان
ولا ينفع يتقال دا رفيق
مهما تقدم له ف إحسان
جوا منه سواد وحريق
إهرب م اللي غاوي ذنوب
إوعى تظن هتصلح حاله
ولا تفكر يوم هايتوب
مهما كرمه الله وإداله ..!!
الصالح هيخليك شكله
ويعينك ع الدنيا بحالها
أما الطالح كدا بمشاكله
هايسود فعنيك أحوالها
صاحبك من بختك ياجميل
تلقاه سندك كدا في الدنيا
يعدلهالك يوم ماتميل ...
ولا عمره هيبيعك ثانية
لو هتقولي أصاحب مين؟؟
بعد الدنيا ما شطب خيرها
راح اقولك ركز ع الدين
تلقى أصل الطيبة مصيرها
=====================
بقلم // زينب سليم أحمد ✍️
ليست هناك تعليقات:
إرسال تعليق