{{{ صور باهتة }}}
==================
ببص لروحي في مرايتي
بشوف صورة ما تشبهنيش
وأبطال ياما في حكايتي
صور باهتة في نص أفيش
وياما ناس كانوا كومبارس
ماليهم لزمة في القصة
وكان دورهم يادوبك درس
وحكمة بتختم الحصة ...!!!
وناس اتصدروا الشاشة ..!!
وقاموا بدور مهوش دورهم
وصابوا عيوننا بغشاشة
في اول لقطة لظهورهم
وناس أدوارها محبوكة
وقاموا بيها . . . . ببراعة
ضماير سايبة مفكوكة ..!!!
ومانشيت في اخر ساعة
ومعروفة نهاية العند ..!!!
اصل نهايته محسومة
واخر التتر كان The End
وناس م الود . . محرومة
===================
بقلم / زينب سليم أحمد ✍️
ليست هناك تعليقات:
إرسال تعليق