لو قلبي زي لباسي
...................
لو كان قلبي زي لباسي
كنت ابدل فيه واغير
قلبي الطيب بقلب قاسي
ولا اسيبه فالهوى يتحير
لقيت قلبي الأخضر ماشي
ويا ناس صعب تتغير
توب الردئ مش مقاسي
لو بأيدى واقدر اتخير
لأخترت دنيا على مقاسي
أعيش فيها بقلبي الصغير
صورة راسمها بخيالي واحساسي
الوانها مش ممكن تتغير
من بنات أفكاري وحواسي
دنيا جميلة وحلم صغير
بحر الأماني كله مراسي
شفت من فرطت حماسي
فراشه بين الزهور الونها بتتغير
وعبير الحياة في أنفاسي
.....
بقلم.الشاعر
الأمير _محمود
ليست هناك تعليقات:
إرسال تعليق