الورده الحزينه
================
الورده الحزينه الغايبه
لازم ترجع تانى
الحب الغايب بيعيط
بيقول آه يازمانى
شربت الورده الجميله
من أرض الجروح
بتلم ف دمع الأحزان
من عين المجروح
وبترميها ف درب الحزن
من فوق السطوح
وبترجع بتشوف الفرحه
فى عيون المجروح
يوم ما سألناها عن إسمك
قالت ليه كتير
قالت إسمى جوه قلوبكم
بينور مشاوير
ويه القلب الصافى الطيب
بنحقق أساطير
إسمى الحب ولحظة صدق
بتصحى الضمير
إسألوا عنها قلوب بتحب
فى بداية الخريف
هتلاقوا الشتا زى الطيف
وكأن ده يوم صيف
وياها هوانا المدارى
عايم بالمقاديف
هى دى النسمه الرقيقه
فى اليوم العصيف
********************
شعر/ ايمن الشهابى
مصر
من ديوان أغانى الحب و الألم
ليست هناك تعليقات:
إرسال تعليق