( يا اللي معاك البنات ) :
يا اللي معاك البنات
إوعاك تبات مهموم
ما تشيلش هم الرزق
رزق البنات بالكوم
البنت زي الولد
مش عار ولا سُبه
إحسن علامها وأدبها
ما تخافشي ابدا لوم
يا اللي معاك البنية
صونها ما تهملهاش
إوعاك تفرط فيها
ده شرفها مش ببلاش
وإن مالت ناحية شمالها
إعدلها بالحكمة
واحكم لجامها بايديك
لكن ما تقتلهاش
ياللي معاك البنات
ستر البنات مطلوب
إحسن لها النيات
ربك ده رب قلوب
وإن جه عدلها عدل
إفتح لها الأبواب
حتكون له شهر العسل
ويكون لها المحبوب
ياللي انت ساعة الخلف
البنت ما رايدهاش
إرضى برزق الإله
إعدل ما تتجناش
خلف البنية عطية
من ربنا المعبود
خلف البنية هدية
إياك ما تقبلهاش
خلف البنية هدية
إياك ما تقبلهاش
بقلمي الشاعر جمال زكي عينر
ليست هناك تعليقات:
إرسال تعليق