( إستسلمي ) :
إستسلميلي إستسلمي
إديني رايتك سلمي
لو حد حبك حبتين
ولا انشغل بك يوم يومين
ده انا قلبي حبك لما شفتك
وانشغل بك من سنين
استسلميلي واخضعي
لقلبي الأمين
قلبي اللي مليان بالهوى
حب وحنين
وشاف معاكي
ياما شاف
وخاف يقول لك إنه حبِك
ايوه خاف
خاف يقول لك إنه حبِك
يلقى صدِّك قبل وِدِك
يلقى هجرِك قبل وصلِك
يلقى منك كلمتين
فيهم إهانة ومش لطاف
عشان كده قلبي إنزوَى
عن الغرام وعن الهوى
عن المذلة والعذاب
تعب القلوب ما لهوش دوا
فيه كلمتين
لازم اقولهم في النهاية
راح انهي بيهم قصتي
وانهي الحكاية
يا اروح في حالي وانسحب
وتنتهي فصول الرواية
يا تسلمي وتستسلمي
وترفعيلي الراية
يا تسلمي وتستسلمي
وترفعيلي الراية
جمال زكي عينر
ليست هناك تعليقات:
إرسال تعليق