لملمت حالها الحروف
بحضورك رجفت الحروف
واقفة وراصة الصفوف
كل ما بدي أكتب حرف
بتخيلك وبيصير الحكي مثل الشتي
عدراج بيتك راسية
ومن أشعارك
عمرت بيوت
وع قافية نظمك
قفلت الكلمات
وشكلتها بورود أسلوبك
وما نسيت الهمزات
كانت عم تغمزني وتوميلي بالمحبة
وأنا عم ضيع بهالظروف
ركزت وقلت بدي اكتبلك
قصيدة غزل
تسارعت الحروف
وما عدت أعرف بلش ومن وين
وفجأة حضر إسمك
بهل الظروف
وانقذ الموقف وبأول حرف
من حروف إسمك ضوى
قنديلي وشعشعت الكلمه
ولما انتهيت من آخر حروف إسمك
خلصت القصيدة
ولملمت حالها الحروف
بقلمي ريما خالد حلواني
ليست هناك تعليقات:
إرسال تعليق