●●●●● أحوال غريبة ●●●●●
وقلب ساكت ع الكلام
حاسين بضيقة
وحتى مش عارفين ننام
ماهي دي الحقيقة
دنيا مشاكلها ف زحام
معقول يا دنيا
تربطينا بميت لجام
لو جينا نفرح
نسأل الفرحة بكام
شلال تعب
جايب سيوله من الألام
عشنا الجشع
ونسينا طبعا الاحترام
وبنخطف الحاجة
ولو كانت حرام
والنفاق بدر التمام
غدر وخيانة
وكدب نوره نور لحام
من قوته
العيون عايشة ف ضلام ( ظلام )
يعني الأمل
حلم بنشوفه ف منام
نصبح . نلاقي الدنيا
مليانة غمام
نضحك قوي ودموعنا تنزل
حاجة كدة أخر انفصام
بنلف جوه الدايرة
كل أما نبدأ
فجأة نوصل للختام
يا سلاااااااام
نرفع ايدينا بالدعا
يارب سترك ع الانام
●●●●●●●●●●
شادوليات
شاذلي محمد عبدالرحمن حسين .
ليست هناك تعليقات:
إرسال تعليق