بطلنا ناكل لحمة
#######
بطلنا ناكل لحمة
وكمان راس العجول
خلينا بئا في الأوانص
وكمان حبة رجول
اصل الفراخ طارت
وطارت معاها عقول
دي غنية بالبروتين
حسب كلام المسؤل
مالها يعني الجناحات
حلوة وأرخص م الفول
ليه تتعب نفسك
وتحوش فلوس كتير
عاوز تاكل لحمة
وتبقي سعيد مسرور
متعيش على ادك بئا
دانت فقير معذور
اياك في يوم تفكر
تأكل طعمية وفول
دا ياعم اكل أكابر
أتريك عايش مغرور
حتى العدس ابو جبة
بئا معروف ومشهور
الكيلو بئا بكذا
مالك بقيت مسعور
عيش عيشة أهلك
بصلة وملح تكفي
وبلاها كمان فطور
(. أحمد.ابراهيم )
ليست هناك تعليقات:
إرسال تعليق