عقود الورد ( من شعر العامية المصرية )
===============
عقود الورد فى عنيها
بتطرح كل يوم ملايين
يقطفها الحزين يفرح
ويصبح فيها مالعاشقين
وأنا قلبى بيعشق فرحة الياسمين
لما يهفهفها النسيم نوبتين
وتتمايل على غصونها عيون الحور
دى بنت من البنات هى فى إيدها النور
جاتنى وأنا فى طريقى متغرب
وبتقرب
فى كل خطوه الحب يخطفنى
وبأستغرب
شعاع مالسحر فى عنيها
وبحر غرام
ده زى الحلم على بالى
و مافى كلام
ده هو الورد فى عنيها
عقود ياسمين
وهو الورد فى جبينها
بينده مين
بتندهلى
أكيد وعليه بتشاور
وفيه نظرات
مابين العين بتتحاور
لو أوصف كل مافيها
ماهوفيها
أنا حبيتها بكيانى
وفى عنيه هداريها
عقود الورد فى عنيها
بتطرح كل يوم ملايين
يقطفها الحزين يفرح
ويصبح فيها مالعاشقين
***************
أشعار /ايمن الشهابى
مصر
من ديوان أغانى الحب والالم
ليست هناك تعليقات:
إرسال تعليق