، (( مابقيتش استغرب ))
====================
مابقيتش استغرب عمايلكم
مابقيتش اتفاجيء من حاجة
الايام . . . . كشفت معادنكم
ولا عاوزاكم ولا محتاجة ..!!!!
اسمع من تاني ف حوارت
ولا تخططوا في مؤامرات
وتفكروا . . . اني بصدقكم
وبلعت الطعم وبسذاجة ..!!!!
اللي يبيعنا اوام هانبيعه
ليه نستنى أيامنا يضيعوا ؟؟
ليه نضحي ونسهر له ليالي؟؟
ونصدق كدبه ومواضيعه ..!!!
ونعيد حواديت مالهاش عازة
وبنعطي تصريح وإجازة ..!!!
للغشاش أنه يكمل غش
وكأن عقولنا في اجازة ..!!!
ونسيبه يلعب بمصيرنا
وبأفكار سودة يحاصرنا
وبنعمل جامدين وبنصبر
وهمومنا فينا بتعصرنا ..!!!!
لو خاين يوم جه ولعب بك
يبقى مش ذنبه لكن ذنبك
علشان رخصت معاه روحك
يبقى جروحك هتطول قلبك
وتحس بروحك مش موزون
الغالي فيك تلقاه بيهون ..!!!
والعقل اللي تملي يزينك
يشرد منك وتعيش مجنون
يبقى اللي يخون سيبه لناسه
دا الغدر في دمه وأساسه
يوم ماتأمنه وتدير ضهرك
تلقاه راح يغرز فيك فاسه ..!!
=====================
بقلم / زينب سليم أحمد ✍️
ليست هناك تعليقات:
إرسال تعليق