(الفلاح الآرارى دياب يشكو ويتألم وحده)
********
#ياما انتم متنَعمين دايماً ياأهل البندر
بتاكلوا الطعمية حاف بعيش قمح مدَوَّر؟
..ومحمد أفندى تاركنى فى الوحلة مِكَدر
ويلبس البِدل هو يتباهى بيها ويتفشخر،
وعامل لى فيها مع الشيخ حسونة عنتر
وسابوا محمد أبو سويلم لمصيره الأغبر
..وتركوه للهجَّانة وطُغيان حُكم العسكر،
والسِكة الزراعية أكلت أرضه من وِرثُه المأَصل
وياما أنتم متنَعمين دايماً يااهل البندر
وأخوكم دياب موحول فى الأرض دايخ مفرفر
يعمل كل شئ ومحمد أفندى عليه جنى الثمر
صحيح دياب جاهل لكن عنده أصل ونظر
وفى للأرض يحبها وغيره ما تحبِش بشر
ومش كتير علىَّ سندوتش طعمية سُخنة ياغجر
..وياما انتم متنعمين دايماً ياأهل البندر
#بقلمى/محمد السعيد بصله..
ليست هناك تعليقات:
إرسال تعليق