اللوحة الحزينة
بقلمي يحيى حسين
مسكت الفرشة والألوان
ورسمت للوجود صورة
لقيتني برسم طفل جعان
ودمعة في عينه مكسورة
وكمان إيدين ماسكة ميزان
بس عدالته مشطورة
ووحوش بينا ومعاها غيلان
بتاكل لحم عصفورة
ورسمت جامع ورسمت آذان
بس عتابه مهجورة
ورسمت حلم وكمان أحزان
جوه القلب محفورة
ما فضلش باقي غير دخان
ولوحة بالحزن ممهورة
يحيى حسين القاهرة
2 ابريل، 2019
ليست هناك تعليقات:
إرسال تعليق