وأنســــــــــي ازاي
ـــــــــــــــــــــــــــــــــــــــــــــــــ
وأنســـــي ازاي وانا طــيرك
والـوف علي حد غير غيـرك
دنا منــــــــــك وحبي سابح
فـي تكـــــــــــــــــــــــــوينك
ياشـــــمـس الـنــور أنا ضِلك
ياعــــود ياســــمـين أنا فُلك
يابــــحر الـــــشـوق انا خِلك
ولـو نامـــت عيـــــونـك يوم
أســــــــــــــــــيــب الـــكــون
واكـــــــــــــــون ضــيــــــــك
راسمك ملامحي وتفـاصيلي
يازرع قمحي ومــــــواويـلي
ياأرض خصبة ياعود ريحان
ياورد شـارب من نيـــــــــلي
وأنســـــــــــــــــــــــــي ازاي
هو حد ب يــــــنسـي روحـه
او يعـــــــــــاند حـتي بـوحه
دا الــــــعبـير اللي ف كلامك
بلـســـــــــم لـــــــروح روحه
وانـســـــــــــــــــــــــــي ازاي
هــو انا نســــــــــــــــــــــــاي
مش عـارفــــة انك دنيــــتي
وبـكـــــــــــــــرة الـــــــــجاي
يـمين بالله ما هســــــــلاكي
يانبضة روحـــــــي وحـياتي
ياعمـــر الــــــعمر يا عـمــري
معـايا حــتي فـي منـاجـاتي
ياجنتي دنا في نعـيـم قربك
هوايا حاضن نسيـــــم حـبك
ياكل منـايا ياروح الــــــروح
إدعيلي دايماً أكــــون جنبك
وأنـســـــــــــــــــــــــــي ازاي
بقلم /فتحى نجم المنصورة
نوفمبر 2020
ــــــــــــــــــــــــــــــــــــــــــــــــــ
ليست هناك تعليقات:
إرسال تعليق