ألف احتمال
************
بقلمي : عادل عبد الرازق
-----------------------
في الوش المجدول .. أحزان
متحفر تقاطيع
بتكب ملامح
لون دمع الأطفال
لما يهاجر من عينك ننك
حتشوفي ازاي
أي جمال
فكي قيودك من خوفك
إطلقي كل كلامك وحروفك
ده العشق عمره ما كان ممنوع
ولاّ محال
إفردي كفك نحوي
عصفور من صغري ومسجون
وأنا طول عمري في الحب
فارس خيّال
يا حبيبتي قوليلي باحبك
نفسي أتحنى بوشوش العشاق في الشارع
ويطبطب على قلبي حلمي التايه
وانسى كل ما في قلبي من أه ومواجع
واعتزل السفر والترحال
أنا قلبي حمام فوق صدرك
فكي القفص الدهبي
حرري حرفك
أعلني حبك ليّا في غنوة
أو موّال
أنا ياما انتظرت كلمة منك
وانتظاري يا حبيبتي طال
إتكلمي
الصمت هزيمة للعشق
الصمت ألف احتمال
***
(عادل عبد الرازق )
ليست هناك تعليقات:
إرسال تعليق