* جرحته *
.............
*جرحته وأنا ما أعرفش
والجرح صاب قلبه
والورد بإيدي دبل
وأنا إللي كنت فاكرة
هيزهزه بين إيديا
وأتمتع أنا بعطره
*وأنا إللي كنت أتمني
أدور عليه وألقاه
دنيتي وهو الجنه
والفرح أعيشه معاه
معقوله بإيدي أنا
الفرح يموت جواه
*طب مين علمك يا قلبي
تقسى على المحبوب
وتقوله كلام يخلي
دمعه يملى القلوب
والحزن جواه تملي
خلاه يحس ذنوب
*دا هو العين والنني
وإللي ساكن جوايا
وهو الفرح إللي
بتنفسه في هوايا
وإزاي قدرت إني
أجرح ملاك ف سمايا
*أمانه ما كانش قصدي
الدمعه تنزل منك
لو تعرف غلاوتك عندي
وإزاي أنا بحبك
كنت تسامح عاشق
بيدوب في تراب رجلك
#كرم ميخائيل
ليست هناك تعليقات:
إرسال تعليق