آه لو قلبى... بيتكلم
كان صاحب حكايات كتير
ولا...انا غلطان
يا صاحبى من زمان
ليه... مش لاقيك
فى اى مكان
يمكن عشان الزحام
ولا عشان وجع السنين
كاتبت تاريخ ميلادى
بالأرقام بخط آمين
واسم مكتوب بخط حزين
للى مولود زنان
مولود نقصه علام
يتمنا يكون فنان
ويرسم وردة للحنان
ويوقع فلان الفلان
انا فلان الفلان
أقر واعترف
بأن مولدى يوم الفلانى
والشاهد ابويا
آه يانى من ابويا
لما حضن ايامى
وافتكر تاريخ ميلادى
راح اقابل فرحته
وكتب أسمى قبل اسمه
وبات مشغول عشان خاطرى
مشغول... باأمى
همها بحنان ترضعى
ساعتها كان قلبى
مصاحب صوت حكاوهم الهادى
ايه اللى حاصل
معدش بسمعه تانى
بعد ما عددت الايام
ورحت السنين ف الاوهام
وسنه ورا سنه
حنانى اتفطم
وسنه ورا سنه
أحس بكرشة نفس
ومعدش قلبى له صاحب
معدش للحنان صور
مع تحياتى طارق عبد المنعم
ليست هناك تعليقات:
إرسال تعليق